|
Denetarik
|
|
GureGipuzkoa-k idatzia
|
|
Astelehena, 2010(e)ko iraila(r)en 13-(e)an 09:25etan |
2010eko irailaren 11tik aurrera eta urriaren 12ra arte, “Harrapatutako uneak” erakusketa aurkeztuko dute Kutxa Boulevard aretoek: Sigfrido Koch Arruti (1936-1992) argazkilari ospetsuari egindako erakusketa honetan haren eta Koch familiako beste 11 argazkilariren lanak bilduko dira. Zehatz esanda, erakutsiko diren argazkiak honako hauenak dira: Willy Koch Schönweiss (1879-1950); Sigfrido Koch Bengoetxea; Pablo Koch Bengoetxea; Willy Koch Bengoetxea (Zinemaldiaren sortzailea); Carmen Koch Bengoetxea (Donostia, 1912-1993); Alberto Schommer Koch; Alberto Schommer García; Sigfrido Koch Arruti; Edurne Koch Elizegi; Nagore Koch Elizegi; Willy Koch Louvelli; eta Marco Bialon Koch.
Kutxa Boulevard aretoetako 0 solairuan, omendua den Sigfrido Koch Arruti-ren (Sigfrido Koch Bengoetxearen semearen) lana erakutsiko da.
Lehen solairuan, sagako lehenengo kidearen Willy Koch Schöneweiss-ekin loturiko irudi asko erakutsiko dira, baita haren seme Sigfrido eta Pablo Koch Bengoetxea-enak ere. Solairu honetan Willy Koch Bengoetxea, Carmen Koch eta Alberto Schommer Koch-en, eta honen seme Alberto Schommer García-ren, argazkiak ere izango dira.
 Sigfridoren alabak, Mari Paz Elizaegi bere alargunarrekin erakusketaren inaugurazioan. Argazkia: G. Estrada.
ARGITALPENA
Ohi bezala, erakusketa hau dela-eta, Kutxak katalogo osoa eman du argitara, eta bertan, erakutsitako argazki guztien erreprodukzioak egoteaz gain, erakusketaren atariko gisa testu bat argitaratu da: Francisco Javier San Martín espezialistak egina da, eta honek hausnarketa egiten du fotografiaren arteaz eta Eta, halaber, bertan daude erakusketaren koordinatzailea den Juantxo Egañaren bihotzetiko gogoetak, Sigfrido bera irudiaren poetatzat daukalarik.
ORDUTEGIAK ETA DATAK
“Harrapatutako uneak” erakusketa 2010eko irailaren 11tik urriaren 12ra ikusi ahal izango da. Bisita-orduak, bai lanegunetan eta bai jaiegunetan, 11,30 - 13,30 eta 17 - 21 artekoak dira. Sarrera dohainik da.
Bide batez, GureGipuzkoak Sigfridok egindako lanaren adierazpen labur bat herritarren eskura CC-BY-ND baimenpean dagoela gogoratu. Ta bere lanaren adibide txiki bat jarraian duzue. ETB2k ere erreportaia prestatu du horren inguruan.
|
|
Garapen teknikoak
|
|
GureGipuzkoa-k idatzia
|
|
Asteazkena, 2010(e)ko iraila(r)en 01-(e)an 11:54etan |
Argazkiak Interneten partekatzeko dagoen zerbitzurik nagusiena Flickr dela ez dago ukatzerik. GureGipuzkoako erabiltzaileek Flickeren ere kontu bat izatea posible denez, bi plataforma hauen edukiak uztartzen dituen tresna bat iaz martxan jarri genuen. Hainbat arrazoi medio, tresna honek aurtengo udaran akatsak ematen hasi zen eta zenbait astetan k.o. egon da.
Arazoak konpondu ondoren berriro martxan dugula esateko moduan gaude. Bere funtzionamenduaren berri ere azpikaldeko pantallazoetan duzue, Flickrek duela aste batzu bere GUIa aldatu egin du eta bere garaian prestatu genituen screencastak zaharkiturik geratu ziren. Has gaitezen bada.
Ezer baino lehen bi gauza kontuan izan beharra dauzkagu. Lehenik, Flickr eta GureGipuzkoaren arteko zubi hau GureGipuzkoan alta emandako erabiltzaile erregistratuak erabiltzea daukatela soilik. Bestetik, tresna hau erabiltzeko erabiltzaileek beraien Flickr kontuko API gakoa beharko dute derrigorrez.
Lehenengo pausoa Flickreko API gakoa lortzea izango da. Gure Flickr kontura sartuko gara eta bertan "Explorar"-->"App Garden" aukeratuko dugu.
App Garden delakoan "Obtener una clave API" sakatuko dugu.
Gure aplikazioa helburu komertzial edo ez komertzialetarako erabiliko dugun galdetzen digu. "No comercial" aukeratuko dugu.
Hemen zenbait uxkeri beteko ditugu eta Flickren erabilpen baldintzak onartzen ditugula esango dugu.
Hemen gure API gakoa azalduko zaigu. 32 karakterez osaturiko gakoa da behar duguna. Kopiatu eta gorde egingo dugu. Jarraian GureGipuzkoara zuzenduko gara.
Erabiltzailea bere kontura sartutakoan hiru pestaña ditu eskura: "Nire igoerak", "Nire galeriak" eta "Flickr tresna". Azkeneko aukera honetan sakatuta ikusiko dugu tresna. Orria bi ataletan banatuta dago. Lehenengoan, Flickreko gure kontuaren informazioa sartzearekin batera gure kontuan ditugun argazkien berezitasunak sartu beharko ditugu.
- Flickreko gure erabiltzaile izena eta API gakoa sartuko ditugu.
- Argazkiaren izenburua edo taga ezagutzen badugu irizpide horren bitartez bilatuko dugu. Adibidean "ojanguren" jarri dugu.
- "Orria" eta "orri bakoitzeko" eremuak emaitzak erakusteko balio duten parametroak dira. Tresnak paginaziorik ez duenez, "Orria" bere horretan uzteko aholkatzen dizuegu. "orri bakoitzeko" eremuan aldiz, zenbat emaitza ikusi nahi ditugun jarriko dugu, adibidean 100 agertzen da.
"ojanguren" tagarekin markaturiko argazkiak erakutsiko zaizkigu. Horien artean Ataungoak direnak markatu ditugu eta jarraian, GureGipuzkoara pasatzerakoan zein herrietan sartu nahi ditugun markatuko ditugu. Azpiko pantallazoan eskubiko herrien zerrendaren azpikaldean "Sortu migrazio tresna" aukera agertuko zaio erabiltzaileari. Aukera baliagarria da berau markaturik uztea esportaturiko argazkiak galeria bakar batean sartuta izatea nahi badugu.
Pauso guztiak ongi jarraitu baditugu markaturiko argazkiak arazorik gabe di-da batean esportatuko dira. GureGipuzkoako zure kontua "pro" bada (ikusi zerrenda hemen), GureGipuzkoan automatikoki agertuko dira, bestela administratzaileek ikusi eta ok eman arte ez dira erabiltzaile guztientzako ikusgai izango.
Tresna frogatu ezazue eta arazorik izango bazenute, kaso egin.
|
|
Bildumak
|
|
GureGipuzkoa-k idatzia
|
|
Ostirala, 2010(e)ko abuztua(r)en 27-(e)an 11:19etan |
GureGipuzkoako erabiltzaileen eta herritarren esku beste bilduma bat eskuragarri jartzen dugu: Thomas bilduma. Bilduma kopuru aldetik txikia da, 204 argazki baino ez dira, baina agertzen diren iraganeko Gipuzkoako gai eta ikuspegiak politak dira oso: Garaiko postalak argitaratzeko erabili ziren. Argazkien data zehatza ezartzea ezinezkoa suertatu zaigularik, XX. mende hasierakoak direla esatera ausartzen gara.
Eta nor zen "Thomas" hori? Interneten salseatuz hau aurkituko dugu:
"Josep Thomas i Bigas (Barcelona 1853-Berna, Suïssa 1910).
Fundó el año 1880 la Fototípia Thomas. Es conocido sobre todo por su colaboración en libros y revistas como "La Il.lustració Catalana", "Pèl i ploma", "El Arte en España", etc. Los negativos fotográficos de la colección correponden a otros autores que trabajaban por encargo de la Fototípia."
Alegia, argazkiak ez zituen Josep Thomas honek atera, bere Fototipiako langileek baizik. Hau horrela izanda, ezinezkoa zaigu argazkiei CC-BY-SA baimena ezartzea, egileak ezezagunak baidira eta horren ordez Egiletza Eskubide Ezagun Mugaturik Gabeko figura erabili dugu. Argazkiak ziurrenik jada Jabetza Publikoan egongo dira beraien eskubideak iraungitu direlako, baina erabateko ziurtasunik ez dugunez, aipaturiko figura aukeratu dugu.
Argazki gehienei ahalik eta geokokapen zehatzena egiten saiatu gara, baina erabateko ziurtasuna lortzea hainbeste aldatu den paisaia batean ez da erreza. Etiketatu eta oinarrizko katalogazioa ere osatu diegu. Ezer gutxiago egitea izan dugu beraiekin. Argazkien artean aipatzekoak dira 1907tik 1912ra arte Ulian egon zen transbordadorearen irudiak. Transbordadore hau egun Niagara Fallsen martxan dagoenaren parekoa da eta Torres Quevedo ikerlari eta sustatzaile espainiarraren asmakizuna izan zen.
Gipuzkoako zenbait herrietako argazkiak agertzen dira: Azpeitia, Zarautz, Bergara... eta bereziki Donostia. Sartu eta saltseatu.
Ah! Argazkien bertsio originalak 10, 12 eta 14 MB. arteko "pisua" dute, azti beraz zuen ordenagailuetara jetsi nahi badituzue.
GureGipuzkoa.net | Uliako transbordadorea © EEE mugaturik gabe: Ezezaguna.
GureGipuzkoa.net | Uliako transbordadorea © EEE mugaturik gabe: Ezezaguna
GureGipuzkoa.net | Plaza del ayuntamiento © Sin Restricciones...: Ezezaguna
GureGipuzkoa.net | Maria Cristina zubia. © EEE mugaturik gabe: Ezezaguna
GureGipuzkoa.net | Sareak konpontzen portuan © EEE mugaturik gabe: Ezezaguna
GureGipuzkoa.net | Hernaniko ezkiaga. © EEE mugaturik gabe: Ezezaguna
GureGipuzkoa.net | Labeaga kalea © EEE mugaturik gabe: Ezezaguna
GureGipuzkoa.net | La Perla restaurantea © EEE mugaturik gabe: Ezezaguna
|
|
Garapen teknikoak
|
|
GureGipuzkoa-k idatzia
|
|
Asteartea, 2010(e)ko abuztua(r)en 10-(e)an 19:24etan |
|
Makina bat izerdi patsen ondoren, kalean dugu jada GureGipuzkoaren 0.2.6 bertsioa. Bertsioen izendapena gure teknikariek darabilkiten sistema jarraituz ezarri dugu ta etorkizunean ere berau jarraituko dugu. Labean 0.3.0 bertsioa egosten dugu jada ;-)
Al lío.
Bertsio berri hau Mozilla Firefox 3.6.x bertsiotik gora eta IE7tik gora arazorik gabe erabiltzen dela bermatzen dugu. Nabigatzaile zaharragoetan arazoak suertatzen direla jabetu gara eta hauek ekiditeko zuen nabigatzaileak eguneratzea aholkatzen dizuegu. Bertsioak dakarren berrikuntzen artean hauek aipatuko genituzke:
Taldekako igoerak FTP bitartez.
Erabiltzaileek aspalditik egin diguzuen eskaera bat asetu nahi izan dugu tresna honekin. Bertsio honen aurretik argazkiak taldeka igotzeko aukera bazegoen, hala ere modu ofizialean egin nahi izan dugu. Zuen ordenagailuetan FTP bezero bat izan beharko duzue tresna berri hau erabiltzeko. Berau erabiltzerakoan hainbat FTP bezero aholkatzen dizkizuegu: FileZilla, ColoradoFTP, WinSCP... baina bezero sendo, sinple eta erabilterreza nahi baduzue, Mozilla Firefox nabigatzailearentzako FireFTP gehigarria erabiltzea aholkatzen dizuegu. Primeran dabil.
FTP bitartezko igoeren azalpena hemen azaltzen dugu.
Adibide praktikoa:
- Gure ordenagailuan 849 argazki karpeta eta azpikarpetetan txukun sailkaturik ditugu.
- Sailkapen hau GureGipuzkoan mantendu nahi dugu.
- Azpikarpetak gordetzen dituen erroko karpeta .zip formatuan konprimatuko dugu.
- FTP bitartez .zip formatuan konprimaturiko karpeta GureGipuzkoara igoko dugu.
- Bidalitako .zip karpeta GureGipuzkoak kudeatuko du eta gure ordenagailuan genuen karpeta sailkapenarekin gorde eta erakutsiko digu. Abantaila mundiala argazki kopuru haundiak ditugun erabiltzaileontzat!!
Konfidantzazko erabiltzailearen profila.
GureGipuzkoan jatorri anitzetako erabiltzaileak ditugu: erakundeak, udalak, herritar soilak... Orain arte, erabiltzaile hauek guztiak eskumen maila berbera zuten: ARANZADI erabiltzailearen eta lzurutuza erabiltzailearen artean ez zegoen berezitasunik eta erabiltzaile guztiek bidaltzen zituzten argazki guztiak gure galbahea pasa behar zuten berauk publiko egin aurretik. GureGipuzkoako trafikoa handitzen joan den einean lan metodologia hau ez dela eskalablea ohartu gara eta zenbait erabiltzaileei galbahe hau saihesteko aukera eman diegu. Oinarrian, beraiek bidaltzen dituzten argazkiak ez dute gure galbaherik pasatzen eta automatikoki publiko egiten dira: Beraiek kudeatzen dituzte beraien argazkiak. Aukera hau erabiltzaile diren udalei, erakundeei eta zenbait erabiltzaile "proei" eman diegu. Aldiz, herritar soilak diren erabiltzaileekin jarraitu ditugun irizpideak, argazkien kopurua, interesa eta katalogazio kalitatea izan dira. Aukeratutako erabiltzaileen zerrenda azpikaldean duzuelarik, etorkizunean zerrenda hau handitzen joango da. Zerrendan ez bazaude eta eskumen hau zuek ere izan nahi baduzue kaso egin ta zuen eskaera aztertuko dugu.
Album kontzeptuaren desagerpena: APIan aldaketa.
Erabiltzaileek argazki kopuru haundiak hobeto kudeatze aldera ezarri dugu hobekuntza hau. Orain arte erabiltzaile batek bere kontura sartzen zenean, bere kontupean zeuden argazki guztiak galeria bakar batean ikusten zituen eta lehenengo bistadizo batean talde berekoak zeintzu ziren jakiteko zailtasunak zituen. Bertsio berri honekin zuhaitz egitura bat jarraituz bere karpetak kontura sartu ahala hasieratik ikusten ditu, baldin eta sorturik dituen, eta bertatik, karpeta, azpikarpeta... gehiago sortzea dauzka. Xaguaren eskubiko botoiarekin bere edukiak kudeatu ditzazkezue.
Berrikuntza honek GureGipuzkoako APIan aldaketa bat eragin du. Orain arte album_id deitzen zen parametroa, orain folder_id deitzen da. Aldaketa honi GureGipuzkoako APIa erabiltzen duten zenbait webgunek eta zerbitzuk kontuan izan beharko dute, hala nola, Ekainberri.com, GureZarautz.net...
Erabiltzaile kontura sartu eta arraroa egiten da gure bildumak modu berri honetan bisualizatzea, baina argazki kopuru haundia duten erabiltzaileek, +10, zinez estimatuko duten tresna berria da. Hurrengo 0.3.0 bertsioan drag&drop inplementazioa ezartzen saiatuko gara.
Erabiltzaileen profil aberatsa.
Erabiltzaileen profilak aberastu eta are eta pertsonalizatuagoak izan daitezen lanean ari gara. Horren islada, erabiltzaile guztiei sortu dizuegun orri berria da. Bere URLa http://www.guregipuzkoa.net/gg/erabiltzaileizena da eta aukera berri honekin zuen edukien bisbilitatea areagotu nahiko genuke. Hala ere, hemen erabiltzaile gutxi batzuei trataera berezia eskaini nahi izan diegu eta beraien orriak pertsonalizatzeko aukera eskaini diegu. ARANZADI, Kutxa_Fototeka eta GipuzkoaKultura erabiltzaileei soilik eskaini diegu trataera hau. Etorkizuneko bertsioetan kontuen pertsonalizazioari atentzio berezia jarriko diogu. |
|
Ekimenak
|
|
GureGipuzkoa-k idatzia
|
|
Asteartea, 2010(e)ko abuztua(r)en 10-(e)an 08:40etan |
Berandu gatoz gero blogeko sarrera honekin baina egin beharreko eginkizunen zerrendatik atera ta hemen dijoakizue Beasaingo KZGunean jazotakoaren kronikatxoa.
Maiatzaren 17an Eibarko InternetEgunean GFAko Kultura eta Euskara Departamentuak eta KZGuneetako arduradunek azaldu zuten bezala, GureGipuzkoa.net webgunearen zergatia eta berezitasunak azaltzen dituzten zenbait ikastaro hasi ditugu jada. Lehenengo zita uztailaren 19an, astelehenarekin Beasaingo KZGunean izan genuen eta horren testigu azpikaldeko argazkia. Gerturatutakoen artean Udaleko Euskara Saileko teknikariak, Josetxo Zufiaurre aditua, ASMUBE taldeko kideak, herritar soilak...
Gerturatutako ikasleei bina orduz Gipuzkoa2.0 eta kultur edukien inguruan Kultura eta Euskara Departamentuan murgilduta gauden filosofiaren ildo orokorrak azaldu genizkien. Baina hau dena GureGipuzkoa.neten oinarrizko funtzionamendua ikustearekin batera: Erabiltzaile kontu bat nola sortu, argazki bat beraien kontuetara nola igo, argazkiaren fitxa osatu... Tira, akaso gauza gehiegitxo ordu pare batetarako, baina bertaratutako Luisa Zurutuzak bere erabiltzaile kontuan Goierriko iraganeko eta oraingo makina bat argazki eta irudi partekatzeari ekin dio jada, bejondaiola!
Ezer gutxi gehiago. Eskerrak eman KZGuneko arduradunei, Carlosi eta bertaratutako lagunei. Hurrengo zita irailean Zestoan izango dugu. Bitartean ondo pasa udarako oporrak ta ea oporretan hartutako Gipuzkoako zuen argazkiak gozatzeko aukera dugun!
|
|
Ekimenak
|
|
GureGipuzkoa-k idatzia
|
|
Osteguna, 2010(e)ko ekaina(r)en 17-(e)an 16:50etan |
Maiatzaren 17an Eibarko Astelena pilotalekuan ospaturiko InternetEguna jaialdian aurreratu genuen bezala, KZGuneen azpiegitura eta baliabideak erabiliz 2010. urterako GureGipuzkoako ikastaro sorta antolatu dugu.
Herrietan emango ditugun ikastaroak bi ataletan banatu ditugu. Herritarren partehartze aukerak bermatze aldera, lehenengo atalean KZGuneak eskaintzen duen Internet+e-Administrazioa KZgunea ikastaroa eskainiko da. Ikastaroak bi asteetako iraupena du astelehenetik ostiralera eta Interneten jarduteko oinarrizko prestakuntza eskaintzen du. Ikastaroaren bigarren atala GureGipuzkoaren funtzionamendua bi orduko saioan azaltzen du: Erabiltzaile kontu bat nola sortu, argazki bat nola igo, argazkiaren fitxa nola bete, CC baimenak...
Ikastaro hauek guztiak KZGuneak kudeatzen duen erakundearekin elkarlanean antolatzen ari gara eta jada egutegi bat aurreratzeko moduan gaude. Azpikaldean dijoazte ikastaroen kokapen eta egutegiak. Hala ere data eta orduak alda daitezkela kasu egin, datak gerturatu ahala blogean informazio osagarria luzatuko dizuegu. Beasaingo data eta ordutegiak erabat baieztatu ditugu KZGuneetako arduradunekin. 10 plaza baino ez dira eta izena emateko Beasaingo Udaleko Kultura saileko telefono honetara deitu: 943028103 behar da.
BEASAIN
Internet+e-Administrazioa KZgunea, 20h.
Noiz: Uztailaren 5etik 16ra, Astelehena-Asteartea-Asteazkena-Osteguna-Ostirala.
Ordutegia: 15:00-17:00
GureGipuzkoa.net, 2h.
Noiz: Uztailaren 19an, astelehenarekin.
Ordutegia: 17:00-19:00
ZESTOA
Internet+e-Administrazioa KZgunea, 20h.
Noiz: Irailaren 20tik urriaren 1era, Astelehena-Asteartea-Asteazkena-Osteguna-Ostirala.
Ordutegia: 16:00-18:00
GureGipuzkoa.net, 2h.
Noiz: Urriaren 4an, astelehenarekin.
Ordutegia: 17:00-19:00
URNIETA
Internet+e-Administrazioa KZgunea, 20h.
Noiz: Urriaren 4tik 19ra, Astelehena-Asteartea-Asteazkena-Osteguna-Ostirala.
Ordutegia: 9:00-11:00
GureGipuzkoa.net, 2h.
Noiz: Urriaren 20an, asteazkenarekin.
Ordutegia: 17:00-19:00
HONDARRIBIA
Internet+e-Administrazioa KZgunea, 20h.
Noiz: Azaroaren 8tik 19ra, Astelehena-Asteartea-Asteazkena-Osteguna-Ostirala.
Ordutegia: 16:00-18:00
GureGipuzkoa.net, 2h.
Noiz: Azaroaren 22an, astelehenarekin.
Ordutegia: 17:00-19:00
ANTZUOLA
Internet+e-Administrazioa KZgunea, 20h.
Noiz: Abenduaren 9tik 22ra, Astelehena-Asteartea-Asteazkena-Osteguna-Ostirala.
Ordutegia: 16:00-18:00
GureGipuzkoa.net, 2h.
Noiz: Abenduaren 23an, ostegunarekin.
Ordutegia: 17:00-19:00
|
|
|
RSS sindikazioa 
