Kultura, Gazteira eta Kirolak
>
SARRERA ZURE KONTURA


Pasahitza ahaztu duzu?
Argazkien hedapena nonahi PDF fitxategia Inprimatu E-posta
Denetarik
GureGipuzkoa-k idatzia   
Asteartea, 2011(e)ko abendua(r)en 06-(e)an 16:03etan
gg53(1).jpg

2009ko maiatzean GureGipuzkoa martxan jartzeko arrazoi nagusietako bat, Kultura, Gazteria eta Kirolak Departamentuko entitate ezberdinek (KM Kulturunea, GAO...) kudeatzen dituzten argazki bildumak modu eroso batean herritarren eta erabiltzaile ororen esku uztea zen.

2011. urtea amaitzear dagoelarik, hasierako helburua neurri haundi batean bete delakoan gaude.

NORA aldizkaria.

Arestian aipatu dugunaren adibide gisa,  GureGipuzkoan erakusten diren edukiak hedapen zabala izaten ari direla da. Horien artean nabarmenena Euskal Herria aldizkariak hilean behin Berriarekin banatzen duen NORA aldizkaria nabarmenduko genuke. GureGipuzkoa bazelaren berri izan zutenetik, bertan eskuragarri dauden argazkien erabilpen etengabea eta zuzena egiten dute eta eskertzen diegu.

Beraien artikuluak osatzeko erabiltzen dituzten argazkiei egiletza aitortzerakoan -Indalecio Ojanguren eta Juan San Martin batipat- argazkiaren jatorria eta erabilpen baldintzak argazki bakoitzaren oinean txukun ezartzen dituztela azpimarratuko genuke.

Adibideak etengabeak badira ere, aipatzen dugunaren zertzelada bat erakustearren
aldizkariaren 45. alean Txirrita haundiyari eskeinitako artikulu txukuna nabarmenduko genuke:


NORA aldizkariak GureGipuzkoako edukiak zenbatetan erabili dituzten jakin nahiko duenak, atzeratutako aleak eskatu ditzazke.

Wikimedia Commons eta Wikipedia.

Hala ere NORA aldizkariaz gain, GureGipuzkoako edukiek izaten ari diren hedapen nagusienetako, nagusiena ez esatearren, Wikipedian zehar barreiatutako hamaika artikulu dira.

Wikipedia-logo-eu Departamentuaren ardurapean dauden bildumetako argazkiak erakustearekin batera -
Wikimedia Commons guneko Indalecio Ojanguren kategoriaren hazkunde etengabea azpimarratu nahiko genuke, GureGipuzkoako hamaika erabiltzaile norbanakoen  edukiak ere Wikimedia Commons eta Wikipediako artikuluetan erabiltzen ari dira.

Denak zerrendatzea ezinezkoa da, bainan batzuk aipatzearren ayurrita erabiltzaileak igotako Gabiriako gudarien bina argazki Euzko Gudarosteko artikulua osatzeko erabiltzen dira, xeskisabel erabiltzailearen Igartubeiti baserriko argazkia Wikipediako makina bat artikulu osatzeko erabiltzen da,  Kutxa Fototekak kudeatzen duen Marin funtsaren edukiak ere hedapen oparoa izaten ari dira, Aranzadi Zientzia Elkarteko Jesús Elósegui bildumaren edukiak ere hainbatetan Euskal Wikiatlasean nabarmendutako irudi gisa azaldu dira... adibideak amaigabeak.

Zorionak eta eskerrikasko GureGipuzkoako edukiak gune hauetan guztietan erakusteko lan egiten ari zareten guztioi!! 

Bilatzaileen emaitzak.

Internauta gehienek edukiak Interneten bilatzerakoan lehenengo aukera bezala Google erabiltzen dutela ez dago ukatzerik. Zentzu horretan, "gipuzkoa fotos" edo "gipuzkoa argazkiak" bezalako hitz gakoak zehazterakoan GureGipuzkoa emaitzen goikaldean agertzen da.

Googlen irudi bilatzailean Indalecio Ojanguren hitz gakoekin agertzen diren emaitzak ere kontuan hartzekoak dira.

Googlez haratago bizitza ere badagoelako, Yahoo! bilatzailean ere pareko emaitzak lortzen dira "gipuzkoa argazkiak" eta "gipuzkoa fotos" hitz gakoekin.

Bi bilatzaile hauetan
lehenak edo lehenetakoak agertzeak zinez pozten gaitu  :-)

Jalgi adi plazara zioen poetak...

 
 
Ojanguren bildumako Zambranako argazkiak geokokatuak PDF fitxategia Inprimatu E-posta
Denetarik
GureGipuzkoa-k idatzia   
Astelehena, 2011(e)ko azaroa(r)en 21-(e)an 12:06etan

GureGipuzkoa.net atari honetan Gipuzkoako geografiatik at dauden makina bat argazki egon badaude eta horren lekukorik adierazgarriena Indalecio Ojanguren argazkilari eibartarraren bilduma da.

Duela egun batzu, Ojanguren bildumako 1956. urteko argazkiekin jolastuz, ZuZeu.com eta GureGipuzkoa.net atarietako xeskisabel erabiltzaileak Arabako Zambrana herrian 2011ko azaroan ateratako hainbat argazki, Indalecio Ojanguren berak ateratakoekin alderatu dituela ikusi dugu. Emaitza kuriosoa eta eskertzekoa.

Bainan horrekin batera, Zambranako argazki guztien geokokapena luzatu digu eta luzaturiko informazioa jada argazkien fitxetan ikusgai jarri dugu. GureGipuzkoa ataria kudeatzen dugun lagunok egindako lan itzela eskertu nahi diogu. 

Geokokaturiko argazkien artean
Portilla/Zabalateko gazteluaren argazkiak kokatu dizkigu. Googlei galdetuz, Portillako gaztelua Nafarroako Erresumako mendebaldeko muga zaintzen zuela eta Arabako armarrian agertzen den gaztelua zela jakin dugu. Gaurkoan xeskisabel erabiltzaileari esker Euskal Herriko geografia eta historiaren atal ia ezezagun bat ezagutzeko aukera izan dugu.

 

Portilla. El castillo
GureGipuzkoa.net | Portilla. El castillo © CC BY-SA: Ojanguren, Indalecio

 


Argazkiak.org | Portilla/Zabalateko gaztelua © cc-by-sa: xeskisabel

 

Portilla. El castillo.
GureGipuzkoa.net | Portilla. El castillo. © CC BY-SA: Ojanguren, Indalecio

 


Argazkiak.org | Portilla/Zabalateko gaztelua © cc-by-sa: xeskisabel

 

Portilla. El castillo.
GureGipuzkoa.net | Portilla. El castillo. © CC BY-SA: Ojanguren, Indalecio

 


Argazkiak.org | Portilla/Zabalateko gaztelua © cc-by-sa: xeskisabel

 

El humilladero
GureGipuzkoa.net | El humilladero © CC BY-SA: Ojanguren, Indalecio

 


Argazkiak.org | Zambranako kruzeroa © cc-by-sa: xeskisabel

 

Portilla. Iglesia.
GureGipuzkoa.net | Portilla. Iglesia. © CC BY-SA: Ojanguren, Indalecio

 


Argazkiak.org | Portillako eliz ataria. © cc-by-sa: xeskisabel

 

Vista
GureGipuzkoa.net | Vista © CC BY-SA: Ojanguren, Indalecio

 


Argazkiak.org | Zambranako eliza © cc-by-sa: xeskisabel

 

Portilla. Vista.
GureGipuzkoa.net | Portilla. Vista. © CC BY-SA: Ojanguren, Indalecio

 


Argazkiak.org | Portillako elizaren ataria © cc-by-sa: xeskisabel

 

 
Beasaingo 27. Odolki lehiaketaren argazkiak PDF fitxategia Inprimatu E-posta
Denetarik
GureGipuzkoa-k idatzia   
Igandea, 2011(e)ko azaroa(r)en 06-(e)an 21:46etan
Goierriko Beasainen urtero legez egiten den bezala, aurreko larunbatean -azaroaren 5ean- 27. Odolki lehiaketa ospatu da. Lehiaketara gerturatutako eta GureGipuzkoari ekarpen oparoak egiten dizkion Luisa Zurutuza eta Patxi Goikoetxeak lehiaketan harturiko makina bat argazki CC-BY-SA baimenpean jarri dituzte GureGipuzkoako bisitarion gozagarri.

Beasaingo alkatea eta lagunak
GureGipuzkoa.net | Beasaingo alkatea eta lagunak © CC BY-SA: Luisa Zurutuza

27. Odolki lehiaketa
GureGipuzkoa.net | 27. Odolki lehiaketa © CC BY-SA: Luisa Zurutuza

27. Odolki lehiaketaren sari banaketa
GureGipuzkoa.net | 27. Odolki lehiaketaren sari banaketa © CC BY-SA: Luisa Zurutuza

Segurako talogileak
GureGipuzkoa.net | Segurako talogileak © CC BY-SA: Patxi Goikoetxea

Aurtengoan eta 7. aldiz, Olano Harategiko Isabel Imazek irabazi du lehiaketa, saioari buruzko informazio osagarria Beasaingo Hitzan eskuragarri.

 
Historia da jada PDF fitxategia Inprimatu E-posta
Denetarik
GipuzkoaKultura-k idatzia   
Igandea, 2011(e)ko urria(r)en 23-(e)an 15:12etan
Urriaren 20an jazo zen berriaren zenbait -gutxi hobeki esateko- arrasto GureGipuzkoa.net webgune honetan ere ikusgai daude. Sigfrido Koch argazkilari donostiarraren bilduman, 1984. urtean Donostiako Trinitate enparantzan egindako aizkolari saio baten hamaika argazki daude. Horien artean, enparantzako frontoiko paretan eskegitako eta jada historia den pankarta bat ageri da.

Aizkolaria Donostiako Trinitate plazan.
GureGipuzkoa.net | Aizkolaria Donostiako Trinitate plazan. © CC-BY-ND: Koch Arruti, Sigfrido

 
Basic eta Premium profilak: Ekarpen sozialak nola kudeatu. PDF fitxategia Inprimatu E-posta
Garapen teknikoak
GureGipuzkoa-k idatzia   
Larunbata, 2011(e)ko uztaila(r)en 02-(e)an 16:12etan
2009ko udaberrian GureGipuzkoarekin hasi ginenean, erabiltzaile batek kontu berri bat sortzerakoan, profil maila berbera zuten herritar soil batek zein Aranzadi Zientzia Elkarteak. Bi erabiltzaile mota hauek ezberdintze aldera, eta erakundeei zein ekarpen oparo eta interesgarriak egiten dituzten erabiltzaileei beraien profilak nabarmentze aldera, 2011ko udaberrian Basic eta Premium deritzogun erabiltzaile profilak sortu ditugu.

Basic profilak orain arte sortu berriak diren kontu guztien profila da. Basic erabiltzaile profil baten pean egiten diren ekarpen guztiak -argazkien igoerak eta iruzkinak batipat- GureGipuzkoako administrazio taldeak ikuskatzen ditu publiko egin aurretik.

Premium erabiltzaileak aldiz, GureGipuzkoako administratzaileontzat "fidagarriak" diren erabiltzaileak dira: Udalak, erakundeak zein beraien kontuetan balio erantsiko edukiak partekatzen dituzten erabiltzaileak. Profil hauetatik igotzen diren argazkiak gure iragazkitik pasatu gabe automatikoki publikoak izaten dira. Erabiltzaile komunitateak Premium erabiltzaileek kudeatzen dituzten argazkiei egindako ekarpenak, gure gainbegirada gabe Premium erabiltzaileek kudeatzen dituzte.

GureGipuzkoako administratzaileon esku dago Basic kontu bat Premium mailara igotzea. Horrela egiten dugunean, Premium erabiltzaileak bere edukiei egindako ekarpenak kudeatu ditzan, webgunearen goikaldeko menu horizontalean "Ekarpenak" aukera berri bat agertuko zaio. Bertan klikatuaz, Premium erabiltzaileak bere bildumaren kudeaketa ahalbideratzen dion tresna izango du eskura, eta horrekin batera, horren inguruan sortzen diren ekarpen eta iruzkinen fluxuak kudeatzeko aukera izango du.

Hau dena nola gauzatzen den ikus dezagun,
GipuzkoaKultura Premium erabiltzaile kontua erabiliz argazkien kudeaketa nola egiten den azalduko dugu.

"Ekarpenak" aukera berria.

Beraien kontuetara sartzen diren Premium erabiltzaileek, webgunearen goikaldeko menu horizontalean, eskubialdean Ekarpenak deitzen den aukera berri bat ikusiko dute. Bertan klikatuaz, azpikaldeko irudian agertzen den gunera sartuko dira. Arestian aipatu dugun bezala, gune honetako ezkerreko aukeretan sartuaz, beraien edukiekiko beste erabiltzaileek egiten dituzten ekarpenak kudeatu ditzazkete: Egindako iruzkinak ezkutatu, ezabatu edo berriro bueltan publiko egin. Jarraian dijoan azalpenean, Premium erabiltzaileek beraien argazkiak ere nola ezkutatu, erakutsi edo ezabatu ditzazkegun ikusiko dugu.

Lehenik, ezkerreko zutabean Igotako argazkiak aukeran klikatuko dugu.

 
alt

GipuzkoaKultura erabiltzaile honen kasuan 61.670 argazki aktibo eta publiko dituela ikusten dugu. Ez du inongo argazkirik ikusteke, ukaturik edo bazterturik, bere eduki guztiak agerian eta publiko ditu. Demagun, orain publiko den Ojanguren bildumako argazki bat ezkutatu nahi dugula. Horretarako, ekintza hori gauzatu nahi dugun argazkia aukeratzen dugu bere laukitxoa markatuz eta Ukatu botoian sakatuz.
alt


Eragindako aldaketa, argazki honi eragingo diolarik eta publikoa den bitartean itxura hau izango duelarik...
 
alt


...Ukatuak deitzen den gunera mugitu dela ikusiko dugu. Kasu egin, orain argazki aktiboak eta publikoak 61.669 direla.

 
alt
 
Aurretik ikusgai genuen argazkiaren fitxan F5 edo nabigatzailea freskatzen badugu, argazkia "desagertu" egin dela ikusiko dugu. Azpikaldeko mezuan argazkia GureGipuzkoaren datubasetik desagertu dela esaten badu ere, argazkia ez da desagertu, bere ikuspegia da desagertu dena. Egin dugun ezkutaketa edozein unetan atzera bueltatu daiteke eta argazkia berriro publikatu dezakegu.

 
alt
 
Argazkiak kudeatzeko beste aukera, argazkia baztertzearena da. Bigarren eta laugarren irudietan Baztertu botoia ikusgai dugula ikusiko dugu. Argazki bat aukeraturik dugula bertan klikatzen badugu, azpikaldeko pop-up lehioa agertuko zaigu. Azti! Ezabaketa baieztatu nahi duzuela esaten badiozue, ezabatutako argazkia ezin da berreskuratu, guk ere ezingo genuke berreskuratu, beraz, ezabatu nahi duzuen argazkia benetan ezabatu nahi dezutenean soilik erabili ezazute aukera hau. 
 
alt
 
Kudeaketa tresnaren ezkerreko zutabean agertzen diren beste aukerak, hala nola, Jasotako iruzkinak, izenburuak, deskribapenak... argazkientzako azaldu dugun bezalako kudeaketa dinamika jarraitzen dute: Erabiltzaileak edozein unetan bere edukiei egindako ekarpenak baieztatu ditzazke edo, egindako ekintzaz damutuko balitz, berauk ezkutatzea izango luke.

Azkeneko aukera Estatistikak deiturikoa da, bertan erabiltzaile kontuaren oinarrizko estatistika batzu aurkituko dituzuelarik.

Ekarpenak kudeatzeko balio duen tresna hau erabiltzen zoazten neurrian, argazkien bisibilitatea lau egoeretan utzi daitezkela ikusiko duzue: Ikusteke, Aktiboak, Ukatuak eta Baztertuak. Egoera batetik bestera mugitzeko, beharrezko ekintza aukeratu eta listo.

Besterik ez. Zalantzarik baduzue, kaso egin hemen blogean ta zuen zalantzak argitzen saiatuko gara.

 
 
Ewald Ammende Donostian izan zenekoa PDF fitxategia Inprimatu E-posta
Denetarik
GureGipuzkoa-k idatzia   
Larunbata, 2011(e)ko uztaila(r)en 02-(e)an 08:51etan
alt

Argazki bildumen kudeaketa lanek duten abantaila nagusia, beraien inguruan asko ikasten dela da: Geografia, herriak, kokapenak, gertakizunen kontestuak... adibideak hamaika, bainan post honetan aipatuko duguna marka guztiak apurtzen ditu.

GureGipuzkoan jasotzen ditugun mezuak kudeatzeko Mantis aplikazioan, duela egun batzu mezu hau jaso genuen:

"Good day. On your website there is a 1932 image showing a group of men in Estonia, at a railway station; one of them is identified as Ewald Ammende. Do you know which one of them he is? Is there a higher resolution image available? Dr Ammende is referenced in a collection of documents that I am preparing for academic publication and I would like to include this photograph if I can get a better copy. Would you be able to help? Thanks!

Dr Lubomyr Luciuk
Royal Military College of Canada"
Nola? GureGipuzkoan Kanadako akademia militar batetik mezu bat jaso dugula? Ba bai. Mezuaren igorlearekin izan genuen mezu trukaketan Ewald Ammende ezezagunak Donostiara 1933. urtean egin zuen bisitaren berri izateko aukera izan dugu.

Kanadako RMC akademiako
Lubomyr Luciuk ikerlariak aipatzen zigun argazkia, KUTXA FOTOTEKAko Car Funtsako argazki hau zen:
 
 
Interneten Ewald Ammenderi buruz informazio urria badago ere, aidanez, 1930. hamarkada hasieran Genevako Gutxiengo Nazionalen kontseiluburua izan zen, eta hiritartasuna estoniarra zuelarik, jatorriz alemaniarra zen. Ikertu dugunagatik, Ammende jaunak interes bereziarekin ikertu zuen -eta 1936. urtean Human life in Russia liburua publikatu ere bai- Ukrainian 1932-33 urteetan Stalinen aginduz gertatutako Holodomor gosete genozida ta horren aritik ikerketa burutzen ari delarik Lubomyr Luciuk ikerlaria, GureGipuzkoan Kutxa Fototekako argazkiekin egin du topo.

INGEBAko webgunean Ewald Ammendek Donostiara egindako
txangoaren informazio sakona dagoelarik, badirudi EAJ-PNVk urte horretan Donostian ospaturiko Aberri Egunera gonbidaturik Donostiara etorri zela:

"Atotxako “Maitea” erreboteko pilotaleku irekian, Aberri Eguneko mitina egin zen 1933ko apirilaren 16an, Euskal Alderdi Jeltzaleak deituta. Ekitaldiari kutsu europeista eman zioten, eta Iberiar Penintsulako beste nazionalitateekiko elkartasuna adierazi zuten. Mahai nagusia frontisean zegoen, Kataluniako, Euskadiko eta Galiziako banderekin apaindutako ohol gainean.

Bertan zeuden Ewald Ammende (Genevako Gutxiengo Nazionalen kontseiluburua), Francesc Maspons (Partit Nacionalista Catalá), Manuel Carrasco i Formiguera (Unió Democratica de Catalunya), Ramón Otero Pedrayo (diputatua eta Orense Institutuko zuzendaria) eta Jesús Doxandabaratz (Euskadi Buru Batzarreko lehendakaria). Telesforo de Monzón Gipuzkoa Buru Batzarreko lehendakariak eta José Antonio Agirre (geroago Euskadiko gobernuburua izango zena) diputatuak ere hitz egin zuten."

MITIN POLITICO EN ATOTXA. (Foto 5/8)
GureGipuzkoa.net
| MITIN POLITICO EN ATOTXA. (Foto 5/8) © CC-BY-SA: KUTXA FOTOTEKA. FONDO FOTO CAR. RICARDO MARTIN

Hizlarien tribunaren atzean, frontisaren paretari atxikita Atotxako futbol-zelaiaren hesia ikus daiteke, eta frontisa inguratzen duen sare metalikoan "Maitea" errotulua ikus daiteke, frontoiaren izena, alegia.

Beste argazki honetan Ewald Ammende jauna ezkerretik lehena da:

MITIN POLITICO EN ATOTXA. (Foto 8/8)
GureGipuzkoa.net
| MITIN POLITICO EN ATOTXA. (Foto 8/8) © CC-BY-SA: KUTXA FOTOTEKA. FONDO FOTO CAR. RICARDO MARTIN

Car Funtseko argazkien kudeatzaileek KUTXA FOTOTEKAko lagunak direlarik, Lubomyren eskaera beraiengana bideratu genuen eta eskaera beraien esku utzi genuen.

Egunero zerbait ikasten delako, GureGipuzkoaren balioa Gipuzkoatik haratago... Kanadara arte iritsi da. Hamaika ikusteko!!

 
Beasain, Oñati eta Urnietako Udalen argazki funtsak eskuragarri. PDF fitxategia Inprimatu E-posta
Denetarik
GureGipuzkoa-k idatzia   
Ostirala, 2011(e)ko apirila(r)en 15-(e)an 08:12etan

Gipuzkoako hainbat udalekin 2010ko udaberrian abiatutako ekimenak gaur izan du azkeneko zita. Gipuzkoako hainbat udalek, 2010eko ekainean Kutxak eta Aranzadi Zientzia Elkarteak egin zuten moduan, Beasainek, Oñatik eta Urnietak ere Gipuzkoako Foru Aldundiarekin bat egin dute, euren argazki funtsak gipuzkoar guztiekin partekatuz.

Gipuzkoako udalen irudien digitalizazio lana, Gipuzkoako Foru Aldundia eta Eusko Ikaskuntzaren arteko elkarlanerako hitzarmen baten bidez gauzatu da, Udalek “ez ohiko” honelako lanak egiteko izan ohi duten zailtasunaren jakitun. Digitalizazio ekimenaren lehenengo udalak Hondarribia, Zaldibia eta Zestoa izan zirelarik, oraingoan Beasain, Oñati eta Urnietako udalen argazki bildumak dira eskuragarri jartzen ditugun azkenak.
 
Ezer baino lehen, iazko ekimenean parte hartu duten Udalei eskerrak eman nahi dizkiegu. Alde batetik internetzaleontzat eduki guzti hauek modu eroso batean eskura jartzeagatik eta bestetik, beraien edukiei Creative Commons BY-SA baimena ezartzeagaik. Bejondeizuela!!

Edukien lizentzian sakontze aldera, Kultura eta Euskara Departamentuan ohikoa dugun ohitura jarraitu dugu: Argazkiaren egilea ezaguna bada, Creative Commons BY-SA lizentzia ezarri diegu. Argazkilaria ezezaguna den kasuetan,
"Egile Eskubide Ezagun Mugaturik Gabe" baimena ezarri diegu.

Kopuruak aipatze aldera,
Beasaingo Udalak 5901 eskurgarri jarri ditu, Oñatiko Udalak 7926 eta Urnietako Udalak 10589. Udalek herritarron eskura jartzen dituzten edukiak azaltze aldera, herriek XX. mendean bizi izan dituzten gorabera historikoak jasotzen dituzten ein haundi batean: Herrietako jaiak, aldaketa urbanistikoak, herrietako baserri eta etxebizitzen bildumak... etengabeko gozagarriak!  Atalka azalduko ditugu.

Beasaingo Udala

Bilduma honetan, hainbat herritarrek Udalari utzitakoak, Javier Jauregui eta Asier Olaizola argazkilariek herriko baserriei 80. hamarkadan ateratakoak, 2001. urteko Kilometroak, CAF "fabrika haundiko" hamaika argazki, herritar anitzek Udalari utzitako argazki historikoak... Edukien zertzelada bat azaltzen dugu:


Oñatiko Udala

Jesus Mari Arzuaga eta Pedro Luis Ormazabal argazkilarien bildumak Oñatiko Udalari utzitakoak dira hemen eskuragarri jartzen ditugunak. Oñatin XX. mendeko bigarren erdian herrian jazotako gertakizun eta une garrantzitsuenak biltzen dira, hala nola, 1981. urtean Errealak Liga irabazi ondoren jokalariek Arantzazura egindako bisita, Zahor txokolate lantegi eta txirrindularietakoak, herriko baserriak, Nazioarteko Artzain Txapelketaren argazkiak, "Fiesta" filmaren grabazioaren uneak... bitxikeriak amaigabeak.

Urnietako Udala

Ia 11.000 argazki dira Urnietako Udal Artxiboak eskuragarri jartzen dituenak: Herriko ondare arkeologikoa, herritarrek Udalari utzitako +1300 argazki, Argazki Rallyak, Sarobe eta Lekaioko ekintza kulturalen hamaika irudi... Urnietan XX. mendeko bigarren erdian herrian jazotako gertakizun eta une garrantzitsuenak biltzen dira.



 
 
<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

Orria: 6 Guztira: 15