|
GureGipuzkoa
|
|
GureGipuzkoa-k idatzia
|
|
Ostirala, 2010(e)ko abuztua(r)en 27-(e)an 11:19etan |
GureGipuzkoako erabiltzaileen eta herritarren esku beste bilduma bat eskuragarri jartzen dugu: Thomas bilduma. Bilduma kopuru aldetik txikia da, 204 argazki baino ez dira, baina agertzen diren iraganeko Gipuzkoako gai eta ikuspegiak politak dira oso: Garaiko postalak argitaratzeko erabili ziren. Argazkien data zehatza ezartzea ezinezkoa suertatu zaigularik, XX. mende hasierakoak direla esatera ausartzen gara.
Eta nor zen "Thomas" hori? Interneten salseatuz hau aurkituko dugu:
"Josep Thomas i Bigas (Barcelona 1853-Berna, Suïssa 1910).
Fundó el año 1880 la Fototípia Thomas. Es conocido sobre todo por su colaboración en libros y revistas como "La Il.lustració Catalana", "Pèl i ploma", "El Arte en España", etc. Los negativos fotográficos de la colección correponden a otros autores que trabajaban por encargo de la Fototípia."
Alegia, argazkiak ez zituen Josep Thomas honek atera, bere Fototipiako langileek baizik. Hau horrela izanda, ezinezkoa zaigu argazkiei CC-BY-SA baimena ezartzea, egileak ezezagunak baidira eta horren ordez Egiletza Eskubide Ezagun Mugaturik Gabeko figura erabili dugu. Argazkiak ziurrenik jada Jabetza Publikoan egongo dira beraien eskubideak iraungitu direlako, baina erabateko ziurtasunik ez dugunez, aipaturiko figura aukeratu dugu.
Argazki gehienei ahalik eta geokokapen zehatzena egiten saiatu gara, baina erabateko ziurtasuna lortzea hainbeste aldatu den paisaia batean ez da erreza. Etiketatu eta oinarrizko katalogazioa ere osatu diegu. Ezer gutxiago egitea izan dugu beraiekin. Argazkien artean aipatzekoak dira 1907tik 1912ra arte Ulian egon zen transbordadorearen irudiak. Transbordadore hau egun Niagara Fallsen martxan dagoenaren parekoa da eta Torres Quevedo ikerlari eta sustatzaile espainiarraren asmakizuna izan zen.
Gipuzkoako zenbait herrietako argazkiak agertzen dira: Azpeitia, Zarautz, Bergara... eta bereziki Donostia. Sartu eta saltseatu.
Ah! Argazkien bertsio originalak 10, 12 eta 14 MB. arteko "pisua" dute, azti beraz zuen ordenagailuetara jetsi nahi badituzue.
GureGipuzkoa.net | Uliako transbordadorea © EEE mugaturik gabe: Ezezaguna.
GureGipuzkoa.net | Uliako transbordadorea © EEE mugaturik gabe: Ezezaguna
GureGipuzkoa.net | Plaza del ayuntamiento © Sin Restricciones...: Ezezaguna
GureGipuzkoa.net | Maria Cristina zubia. © EEE mugaturik gabe: Ezezaguna
GureGipuzkoa.net | Sareak konpontzen portuan © EEE mugaturik gabe: Ezezaguna
GureGipuzkoa.net | Hernaniko ezkiaga. © EEE mugaturik gabe: Ezezaguna
GureGipuzkoa.net | Labeaga kalea © EEE mugaturik gabe: Ezezaguna
GureGipuzkoa.net | La Perla restaurantea © EEE mugaturik gabe: Ezezaguna
|
|
GureGipuzkoa
|
|
GureGipuzkoa-k idatzia
|
|
Asteartea, 2010(e)ko abuztua(r)en 10-(e)an 19:24etan |
|
Makina bat izerdi patsen ondoren, kalean dugu jada GureGipuzkoaren 0.2.6 bertsioa. Bertsioen izendapena gure teknikariek darabilkiten sistema jarraituz ezarri dugu ta etorkizunean ere berau jarraituko dugu. Labean 0.3.0 bertsioa egosten dugu jada ;-)
Al lío.
Bertsio berri hau Mozilla Firefox 3.6.x bertsiotik gora eta IE7tik gora arazorik gabe erabiltzen dela bermatzen dugu. Nabigatzaile zaharragoetan arazoak suertatzen direla jabetu gara eta hauek ekiditeko zuen nabigatzaileak eguneratzea aholkatzen dizuegu. Bertsioak dakarren berrikuntzen artean hauek aipatuko genituzke:
Taldekako igoerak FTP bitartez.
Erabiltzaileek aspalditik egin diguzuen eskaera bat asetu nahi izan dugu tresna honekin. Bertsio honen aurretik argazkiak taldeka igotzeko aukera bazegoen, hala ere modu ofizialean egin nahi izan dugu. Zuen ordenagailuetan FTP bezero bat izan beharko duzue tresna berri hau erabiltzeko. Berau erabiltzerakoan hainbat FTP bezero aholkatzen dizkizuegu: FileZilla, ColoradoFTP, WinSCP... baina bezero sendo, sinple eta erabilterreza nahi baduzue, Mozilla Firefox nabigatzailearentzako FireFTP gehigarria erabiltzea aholkatzen dizuegu. Primeran dabil.
FTP bitartezko igoeren azalpena hemen azaltzen dugu.
Adibide praktikoa:
- Gure ordenagailuan 849 argazki karpeta eta azpikarpetetan txukun sailkaturik ditugu.
- Sailkapen hau GureGipuzkoan mantendu nahi dugu.
- Azpikarpetak gordetzen dituen erroko karpeta .zip formatuan konprimatuko dugu.
- FTP bitartez .zip formatuan konprimaturiko karpeta GureGipuzkoara igoko dugu.
- Bidalitako .zip karpeta GureGipuzkoak kudeatuko du eta gure ordenagailuan genuen karpeta sailkapenarekin gorde eta erakutsiko digu. Abantaila mundiala argazki kopuru haundiak ditugun erabiltzaileontzat!!
Konfidantzazko erabiltzailearen profila.
GureGipuzkoan jatorri anitzetako erabiltzaileak ditugu: erakundeak, udalak, herritar soilak... Orain arte, erabiltzaile hauek guztiak eskumen maila berbera zuten: ARANZADI erabiltzailearen eta lzurutuza erabiltzailearen artean ez zegoen berezitasunik eta erabiltzaile guztiek bidaltzen zituzten argazki guztiak gure galbahea pasa behar zuten berauk publiko egin aurretik. GureGipuzkoako trafikoa handitzen joan den einean lan metodologia hau ez dela eskalablea ohartu gara eta zenbait erabiltzaileei galbahe hau saihesteko aukera eman diegu. Oinarrian, beraiek bidaltzen dituzten argazkiak ez dute gure galbaherik pasatzen eta automatikoki publiko egiten dira: Beraiek kudeatzen dituzte beraien argazkiak. Aukera hau erabiltzaile diren udalei, erakundeei eta zenbait erabiltzaile "proei" eman diegu. Aldiz, herritar soilak diren erabiltzaileekin jarraitu ditugun irizpideak, argazkien kopurua, interesa eta katalogazio kalitatea izan dira. Aukeratutako erabiltzaileen zerrenda azpikaldean duzuelarik, etorkizunean zerrenda hau handitzen joango da. Zerrendan ez bazaude eta eskumen hau zuek ere izan nahi baduzue kaso egin ta zuen eskaera aztertuko dugu.
Album kontzeptuaren desagerpena: APIan aldaketa.
Erabiltzaileek argazki kopuru haundiak hobeto kudeatze aldera ezarri dugu hobekuntza hau. Orain arte erabiltzaile batek bere kontura sartzen zenean, bere kontupean zeuden argazki guztiak galeria bakar batean ikusten zituen eta lehenengo bistadizo batean talde berekoak zeintzu ziren jakiteko zailtasunak zituen. Bertsio berri honekin zuhaitz egitura bat jarraituz bere karpetak kontura sartu ahala hasieratik ikusten ditu, baldin eta sorturik dituen, eta bertatik, karpeta, azpikarpeta... gehiago sortzea dauzka. Xaguaren eskubiko botoiarekin bere edukiak kudeatu ditzazkezue.
Berrikuntza honek GureGipuzkoako APIan aldaketa bat eragin du. Orain arte album_id deitzen zen parametroa, orain folder_id deitzen da. Aldaketa honi GureGipuzkoako APIa erabiltzen duten zenbait webgunek eta zerbitzuk kontuan izan beharko dute, hala nola, Ekainberri.com, GureZarautz.net...
Erabiltzaile kontura sartu eta arraroa egiten da gure bildumak modu berri honetan bisualizatzea, baina argazki kopuru haundia duten erabiltzaileek, +10, zinez estimatuko duten tresna berria da. Hurrengo 0.3.0 bertsioan drag&drop inplementazioa ezartzen saiatuko gara.
Erabiltzaileen profil aberatsa.
Erabiltzaileen profilak aberastu eta are eta pertsonalizatuagoak izan daitezen lanean ari gara. Horren islada, erabiltzaile guztiei sortu dizuegun orri berria da. Bere URLa http://www.guregipuzkoa.net/gg/erabiltzaileizena da eta aukera berri honekin zuen edukien bisbilitatea areagotu nahiko genuke. Hala ere, hemen erabiltzaile gutxi batzuei trataera berezia eskaini nahi izan diegu eta beraien orriak pertsonalizatzeko aukera eskaini diegu. ARANZADI, Kutxa_Fototeka eta GipuzkoaKultura erabiltzaileei soilik eskaini diegu trataera hau. Etorkizuneko bertsioetan kontuen pertsonalizazioari atentzio berezia jarriko diogu. |
|
GureGipuzkoa
|
|
GureGipuzkoa-k idatzia
|
|
Asteartea, 2010(e)ko abuztua(r)en 10-(e)an 08:40etan |
Berandu gatoz gero blogeko sarrera honekin baina egin beharreko eginkizunen zerrendatik atera ta hemen dijoakizue Beasaingo KZGunean jazotakoaren kronikatxoa.
Maiatzaren 17an Eibarko InternetEgunean GFAko Kultura eta Euskara Departamentuak eta KZGuneetako arduradunek azaldu zuten bezala, GureGipuzkoa.net webgunearen zergatia eta berezitasunak azaltzen dituzten zenbait ikastaro hasi ditugu jada. Lehenengo zita uztailaren 19an, astelehenarekin Beasaingo KZGunean izan genuen eta horren testigu azpikaldeko argazkia. Gerturatutakoen artean Udaleko Euskara Saileko teknikariak, Josetxo Zufiaurre aditua, ASMUBE taldeko kideak, herritar soilak...
Gerturatutako ikasleei bina orduz Gipuzkoa2.0 eta kultur edukien inguruan Kultura eta Euskara Departamentuan murgilduta gauden filosofiaren ildo orokorrak azaldu genizkien. Baina hau dena GureGipuzkoa.neten oinarrizko funtzionamendua ikustearekin batera: Erabiltzaile kontu bat nola sortu, argazki bat beraien kontuetara nola igo, argazkiaren fitxa osatu... Tira, akaso gauza gehiegitxo ordu pare batetarako, baina bertaratutako Luisa Zurutuzak bere erabiltzaile kontuan Goierriko iraganeko eta oraingo makina bat argazki eta irudi partekatzeari ekin dio jada, bejondaiola!
Ezer gutxi gehiago. Eskerrak eman KZGuneko arduradunei, Carlosi eta bertaratutako lagunei. Hurrengo zita irailean Zestoan izango dugu. Bitartean ondo pasa udarako oporrak ta ea oporretan hartutako Gipuzkoako zuen argazkiak gozatzeko aukera dugun!
|
|
GureGipuzkoa-k idatzia
|
|
Osteguna, 2010(e)ko ekaina(r)en 17-(e)an 16:50etan |
Maiatzaren 17an Eibarko Astelena pilotalekuan ospaturiko InternetEguna jaialdian aurreratu genuen bezala, KZGuneen azpiegitura eta baliabideak erabiliz 2010. urterako GureGipuzkoako ikastaro sorta antolatu dugu.
Herrietan emango ditugun ikastaroak bi ataletan banatu ditugu. Herritarren partehartze aukerak bermatze aldera, lehenengo atalean KZGuneak eskaintzen duen Internet+e-Administrazioa KZgunea ikastaroa eskainiko da. Ikastaroak bi asteetako iraupena du astelehenetik ostiralera eta Interneten jarduteko oinarrizko prestakuntza eskaintzen du. Ikastaroaren bigarren atala GureGipuzkoaren funtzionamendua bi orduko saioan azaltzen du: Erabiltzaile kontu bat nola sortu, argazki bat nola igo, argazkiaren fitxa nola bete, CC baimenak...
Ikastaro hauek guztiak KZGuneak kudeatzen duen erakundearekin elkarlanean antolatzen ari gara eta jada egutegi bat aurreratzeko moduan gaude. Azpikaldean dijoazte ikastaroen kokapen eta egutegiak. Hala ere data eta orduak alda daitezkela kasu egin, datak gerturatu ahala blogean informazio osagarria luzatuko dizuegu. Beasaingo data eta ordutegiak erabat baieztatu ditugu KZGuneetako arduradunekin. 10 plaza baino ez dira eta izena emateko Beasaingo Udaleko Kultura saileko telefono honetara deitu: 943028103 behar da.
BEASAIN
Internet+e-Administrazioa KZgunea, 20h.
Noiz: Uztailaren 5etik 16ra, Astelehena-Asteartea-Asteazkena-Osteguna-Ostirala.
Ordutegia: 15:00-17:00
GureGipuzkoa.net, 2h.
Noiz: Uztailaren 19an, astelehenarekin.
Ordutegia: 17:00-19:00
ZESTOA
Internet+e-Administrazioa KZgunea, 20h.
Noiz: Irailaren 20tik urriaren 1era, Astelehena-Asteartea-Asteazkena-Osteguna-Ostirala.
Ordutegia: 16:00-18:00
GureGipuzkoa.net, 2h.
Noiz: Urriaren 4an, astelehenarekin.
Ordutegia: 17:00-19:00
URNIETA
Internet+e-Administrazioa KZgunea, 20h.
Noiz: Urriaren 4tik 19ra, Astelehena-Asteartea-Asteazkena-Osteguna-Ostirala.
Ordutegia: 9:00-11:00
GureGipuzkoa.net, 2h.
Noiz: Urriaren 20an, asteazkenarekin.
Ordutegia: 17:00-19:00
HONDARRIBIA
Internet+e-Administrazioa KZgunea, 20h.
Noiz: Azaroaren 8tik 19ra, Astelehena-Asteartea-Asteazkena-Osteguna-Ostirala.
Ordutegia: 16:00-18:00
GureGipuzkoa.net, 2h.
Noiz: Azaroaren 22an, astelehenarekin.
Ordutegia: 17:00-19:00
ANTZUOLA
Internet+e-Administrazioa KZgunea, 20h.
Noiz: Abenduaren 9tik 22ra, Astelehena-Asteartea-Asteazkena-Osteguna-Ostirala.
Ordutegia: 16:00-18:00
GureGipuzkoa.net, 2h.
Noiz: Abenduaren 23an, ostegunarekin.
Ordutegia: 17:00-19:00
|
|
GureGipuzkoa
|
|
GureGipuzkoa-k idatzia
|
|
Asteazkena, 2010(e)ko ekaina(r)en 02-(e)an 23:50etan |
Wow!
Makina bat pasadizo, prestaketa, hankasartze, zuzenketa, koka-kola, pizza eta buruhausteren ondoren, gaurkoan, iaz Gipuzkoako Foru Aldundiak, Kutxak eta Aranzadi Zientzia Elkarteak aurkeztu genuen egitasmoaren emaitza praktikoarekin gatoz. The real stuff.
Jada Twitter bitartez Oier Araolazak zabaldu duen bezala, atzo ekainaren 2an arratsaldeko 19.00etan bi bildumak GureGipuzkoako atal publikoan erakusteari ekin genion eta gaurko egunez prentsaurrekoa emango dugu MªJesus Aranburu Kultura eta Euskara Diputatuak, Carlos Ruiz Kutxako Gizarte Ekintzako burua eta Aranzaditik bere Idazkari Nagusia den Juantxo Agirre eta Lazkaoko Beneditiarren Artxiboko Juan Joxe Agirrek Koldo Mitxelena Kulturuneko sarrerako hallean.
Aranzadi Zientzia Elkarteak bere sortzaile izandako Jesús Elósegui Irazustaren 15000 argazkiz osaturiko bilduma CC-BY-SA baimenpean eskuratu digularik, Kutxako Fototekak aldiz, Car eta Marín Funtsetatik aukeratutako 5000 argazki jarri ditu erabiltzaileen eskura eta hauek ere CC-BY-SA baimenpean.
Ta erabiltzaileak zer aurkituko du bertan? Ba altxor paregabeak: Gipuzkoako eta Euskal Herriko iraganeko egunerokotasuneko bizipenak, Txirrita bertsolaria Victoria Eugenia antzokian, autobus ezbeharrak, Tolosako 1927. urteko inauterietako irudiak, Aguirre Lehendakariaren mitina Atotxan... Oier Araolazak dioen bezala "ikusten hasi eta ezin gelditu".
Erabiltzaile, interesdun eta internauta orori zera eskatu nahiko genieke, argazkien inguruan izan dezaketen informazio osagarria dagozkien fitxetan osatzeko gonbidapena, hartara, GFAk, Aranzadik eta Kutxak eskuragarri jartzen dugun informazioa, herritarrek izan dezaketenarekin uztartu eta bildumak aberastu ditzagun.
Azkenik, Kultura eta Euskara Departamentutik eskerrik beroenak eman nahiko genizkieke Aranzadi Zientzia Elkarteari eta Kutxako Fototekari guregan jarritako konfidantzagatik.
GureGipuzkoa.net | MITIN POLITICO EN ATOTXA. © CC BY-SA: FONDO FOTO CAR. RICARDO MARTIN
GureGipuzkoa.net | GRUPO DE BERTSOLARIS POSANDO ANTE LA PUERTA DEL TEATRO VICTORIA EUGENIA. © CC BY-SA: FONDO FOTO CAR. RICARDO MARTIN
![[Tolosa. Choque La Estellesa de frente]](http://media.guregipuzkoa.net/photo/1021709/1021709_o.jpg "[Tolosa. Choque La Estellesa de frente]")
GureGipuzkoa.net | [Tolosa. Choque La Estellesa de frente] © CC BY-SA: Elósegui Irazusta, Jesús
GureGipuzkoa.net | DISCURSO DE SANTIAGO CARRILLO EN LA PLAZA DE TOROS DE TOLOSA. © CC BY-SA: FONDO FOTO CAR. RICARDO MARTIN
![[Le Belloy. Lendakaria ta seme-alabak]](http://media.guregipuzkoa.net/photo/1013751/1013751_o.jpg "[Le Belloy. Lendakaria ta seme-alabak]")
GureGipuzkoa.net | [Le Belloy. Lendakaria ta seme-alabak] © CC BY-SA: Elósegui Irazusta, Jesús
![[Oyarzun; Urdaikatzeko Barrakoietan Sargento Ma. eta Roca eta "gu"]](http://media.guregipuzkoa.net/photo/1014790/1014790_o.jpg "[Oyarzun; Urdaikatzeko Barrakoietan Sargento Ma. eta Roca eta \"gu\"]")
GureGipuzkoa.net | [Oyarzun; Urdaikatzeko Barrakoietan Sargento Ma. eta Roca eta "gu"] © CC BY-SA: Elósegui Irazusta, Jesús
|
|
GureGipuzkoa
|
|
GureGipuzkoa-k idatzia
|
|
Asteazkena, 2010(e)ko maiatza(r)en 19-(e)an 10:27etan |
Eibarko Portalean astelehenean emandako hitzaldira gerturatutako lagunek familian izan ginen. GureGipuzkoa.net webguneko ildo nagusiak azaltzearekin batera, Kultura eta Euskara Departamentuan darabilkigun lan ildoen berri eman genuen: KZGuneekin adosturiko ikastaroen antolaketa, CC-BY-SA baimenaren aldeko gure apostua... Ordu ta laurden "erretolikan" jarduteak gai asko jorratzeko eman zigun.
Hitzaldira bertaratutako Mikel Larreategik harturikoa da hemen erakusten dizuegun irudia. Milesker Mikel eta bertaratutako guztiei!!
|
|
|
RSS sindikazioa 
Some Rights Reserved